Paytaxtda fəaliyyət göstərəcək üçüncü yerüstü metro stansiyasının açılış tarixi bəlli olub.
Oxu.Az saytının yazdığına görə, məlumatı "Bakı Metropoliteni" Qapalı Səhmlər Cəmiyyətinin mətbuat xidmətinin rəhbəri Bəxtiyar Məmmədov təsdiqləyib. Qurum rəsmisi bildirib ki, metronun "yaşıl" xəttinin "Dərnəgül" deposu istiqamətində yerləşən stansiyanın platformasında tikinti işləri artıq son mərhələdədir və başa çatmaq üzrədir.
Platformanın inşası tam yekunlaşdıqdan sonra növbəti mərhələnin işlərinə keçid ediləcək və stansiya 2028-ci ildə sərnişinlərin istifadəsinə veriləcək.
Xatırladaq ki, hazırda Bakı metrosunda yalnız iki yerüstü stansiya – "Bakmil" və "Xocəsən" stansiyaları mövcuddur və fəaliyyət göstərir.