Sabah Bakının iki rayonunun bəzi küçə və yaşayış massivlərində elektrik enerjisinin verilişində müvəqqəti fasilələr yaranacaq. "Azərişıq" ASC-dən verilən məlumata görə, məhdudiyyət şəbəkədə aparılan təmir və yenidənqurma işləri ilə əlaqədardır.
Hansı ünvanlarda işıq olmayacaq?
- Yasamal rayonu: Səhər saat 10:00-dan 13:00-dək Xıdır Mustafayev, İslam Səfərli, Mirzə Cabbar Məmmədzadə, Şıxəli Qurbanov, Ümid Əkbərov, Vasif Əliyev və Zaur Kərimov küçələrinin bir hissəsində işıq fasilələrlə verilməyəcək.
- Xəzər rayonu: Saat 10:00-dan 15:00-dək Buzovna qəsəbəsinin Albalılıq yaşayış massivi, Abşeron və İzmir küçələrinin müəyyən hissələrində elektrik enerjisi dayandırılacaq.
Qurumdan bildirilib ki, aparılan təmir-bərpa işləri başa çatdıqdan sonra abonentlərin enerji təchizatı daha da yaxşılaşdırılacaq.