İsmayıllı rayonunda iki azyaşlının suda boğulması ilə nəticələnən ağır bədbəxt hadisə baş verib.
Məlumata görə, təsərrüfat məqsədilə istifadə edilən göldə ehtiyatsızlıq ucbatından bacı və qardaş batıb. Hadisə barədə siqnal daxil olan kimi xilasedicilər anında əraziyə cəlb olunub.
Aparılan operativ axtarışlar zamanı uşaqlardan birinin cansız bədəni sudan çıxarılaraq aidiyyəti üzrə təhvil verilib. Su altında qalan digər azyaşlının tapılması istiqamətində isə xilasetmə işləri hazırda intensiv şəkildə davam etdirilir.
Dövlət Agentliyinin (AZƏRTAC) bölgə müxbirinin verdiyi məlumata görə, baş verən ölüm faktı ilə bağlı hüquq-mühafizə orqanları tərəfindən geniş araşdırma aparılır.