Nvidia süni intellekt çiplərini Wall Street-in yeni investisiya sinfinə çevirmək məqsədilə dünyanın aparıcı aktiv idarəçiləri ilə 500 milyard dollardan çox kapital cəlb edəcək nəhəng maliyyələşdirmə platforması qurur.
Əsas məqamlar:
Nəhəng tərəfdaşlıq: Nvidia Apollo Global Management, Blackstone, BlackRock, Brookfield Asset Management, Goldman Sachs və KKR şirkətləri ilə memorandumlar imzalayıb.
Məqsəd: Hyperscaler-lər (nəhəng məlumat mərkəzləri), sərhəd süni intellekt laboratoriyaları və müəssisələr üçün data-mərkəzlərin tikintisi və Nvidia avadanlıqlarının alınması məqsədilə üçüncü tərəfin kapitalını səfərbər etməkdir.
Balans yükünün azaldılması: İnstitusional kreditlər və özəl kapital vasitəsilə qrafik prosessorların (GPU) və data-mərkəzlərin maliyyələşdirilməsi son istifadəçilərə öz balanslarına toxunmadan vəsait əldə etməyə imkan verir.
"Texnologiya çipləri ilk dəfə investisiya aktivinə çevrilir"
Nvidia-nın təsisçisi və baş direktoru Jensen Huang CNBC-yə verdiyi müsahibəsində bildirib ki, bu, texnologiya tarixində bir ilkdir:
"Bu, həqiqətən də texnologiya çiplərinin investisiya aktiv sinfinə çevrildiyi ilk haldır. Bunlar artıq gəlir gətirən aktivlərdir; onlar məhsuldar, uzunömürlü, əvəzolunan və çevikdirlər."
Tarixən GPU-lar sürətlə köhnələn aparat təminatı kimi qiymətləndirilirdi. Nvidia-nın bu təşəbbüsü həmin yanaşmanı dəyişərək süni intellekt hesablamalarını uzunmüddətli və bank tərəfindən maliyyələşdirilə bilən infrastruktura çevirir. Huang qeyd edib ki, kompüter artıq elektrik enerjisi və ya internet kimi infrastrukturun ayrılmaz hissəsinə çevrilib.
Wall Street-in reaksiyası və maliyyə mühəndisliyi
Alternativ aktiv menecerləri rəqəmsal infrastruktura sərmayə yatırmağa böyük maraq göstərirlər. Qlobal bazarlarda böyük Texnologiya şirkətlərinin süni intellekt xərclərinin gəlirliliyi ilə bağlı sualların yarandığı bir dövrdə bu addım maliyyə yükünü yüngünləşdirməyə hədəflənib.
Goldman Sachs-ın baş direktoru David Solomon qeyd edib ki, hesablamalar qlobal iqtisadi artımın növbəti mərhələsini hərəkətverici kritik aktiv sinfinə çevrilib və bu ideya üzərində bazarda Nvidia tərəfindən dəstəklənən yeni kredit bazarı yaradılacaq.
Blackstone-un prezidenti Jon Gray isə bildirib ki, süni intellekt hesablamaları ipoteka kreditorlarının evlərə baxdığı kimi "maliyyələşdirilə bilən aktiv sinfi" kimi qəbul olunacaq.
BlackRock-un baş direktoru Larry Fink bu layihəni 1970-ci illərdə ipoteka ilə təmin edilmiş qiymətli kağızların yaranmasına bənzədərək, bunu "maliyyə mühəndisliyinin gələcəyi" adlandırıb və ABŞ-ın süni intellekt sahəsində qlobal liderliyini qorumaq üçün vəsaitin sürətlə cəlb edilməsinin vacibliyini vurğulayıb.